:::

Heard this song today ... Kind of 'Feel'
Maybe I am abit to early to think about .. 20 years ...
But I have been thru some of it...
Guess you guys out there will like this one..



细路哥ii

某一年一班刚刚考完会考嘅同学约埋一齐唱k
流行曲唱到一半嘅时候
其中一位朋友问咗隔离嗰位一个问题
喂你估吓二十年后嘅今日我地会变成一个咩人呢
二十年后可能已经变成一个西装骨骨嘅中环人
手带劳力士银包有好多张信用卡
放工嘅时候就一齐响酒吧度
一边望住个烟灰盅
一边就望住隔离台嗰个女仔
睇吓佢条裙几时会走光
二十年后大概终于会买咗个部好想拥有既汽车
但系仲有二十几期要供
二十年嘞应该转过好多份工
识做嘅野越嚟越多
但系同时发觉学识越嚟越少
睇嗰个时间间唔中可能会去吓gym
但系做嚟做去都系减唔到个肚腩
当然二十年嚟你间唔中都会谂起一段
一路都未能放低嘅感情
女朋友越嚟越多但系爱嘅越嚟越少
细路哥
你得到什么
你失去什么
你知道
what are u looking for
大概嗰个时候可能会有身边嘅亲人离开
而系个阵时你会有好多讲唔出口嘅遗憾
同时间你会发觉原来人生已经过咗一大半
同年终于结婚嘞
用左半生嘅积蓄俾左一层楼嘅首期
有车位有泳池会所
娱乐越嚟越多但系快乐越嚟越少
两年后可能会离婚
回复单身之后嘅一个晚上一个人系床上面
揸住个摇控不停咁转台食咗两粒安眠药
跟住点起支薄荷烟
然后流咗一滴自亲人离世之后嘅眼泪
突然之间你又谂起响二十年前
你系一个咩人系个一晚
一大班同学约埋出嚟唱k唱到天光
仲记得系个朝返到屋企嘅时候
打开门响台面见到有一碗屋企人留低嘅汤
碗汤已经冻咗嘞

演唱:林海峰